गजल
तिमी जहाँ भएनि हाम्रो बित्ने रात एउटै हुन्छ ।
नाम लेखेर बगाउने हाम्रो पात एउटै हुन्छ ।

रोमियो जुलियट, लैला मज्नु, तिमी र म
संसारको जुन प्रेमको पनि जात एउटै हुन्छ ।

न गर्नु है पीडा जिन्दगीसँग बाँच्नै गाह्रो हुन्छ
जसले जसलाई दिए पनि घात एउटै हुन्छ ।

तिमी र म जहाँ जहाँ भएर लेखे पनि सम्झना
तिम्रो र मेरो मायालु चिठ्ठीको खात एउटै हुन्छ ।

                 गजल
हराएर मलाई रोजेको तिमीले जित कस्तो होला ।
बेचेर मुटु अनि खोज्ने प्रेम तिम्रो रित कस्तो होला ।

जिन्दगी किनारमा हिँड्यो तिमीलाई मुल बाटा बनार
आफ्नैलाई लछारी पाएको तिमीले हित कस्तो होला ।

तिम्रो सादा गुलाफ रातो बनाउन बगेको रगत
चुहिएर तिम्रो आगनमा बनेको शीत कस्तो होला ।

               गजल
भर्खर त तिम्रो आगनमा उजेली चहिदै थियो ।
तिमी र म बीच फलेको प्रेम बृक्ष नुहिदै थियो ।

पत्तो नै पाएनौ तिमीले नयाँ पालुवा पलाएको
बिस्तारै जिन्दगीको पतिङ्गर सबै कुहिदै थियो ।

भन्थेउ तुवाँलो लाग्यो जिन्दगीको क्षितिजसम्म
भर्खरको वर्षातले मौसम सबै धुइदै थियो ।