आस्था र भगवानहरू

साँझको समय छ । मन्दिरको भित्तामा एउटा हातले अडेस लागेको छु

। भगवानहरू सधै निदाएको ठाउँ हो मन्दिर । जहॉ मान्छेहरु निदाएको

भगवानसँग भक्तिको हल्ला गर्छन् ।

मैले पनि आफूलाई हिन्दुत्वको भावले अडेस लागेको ठान्दछु ।

तिहारको मौसम छ । मान्छेहरुको अन्धोपन यो बर्स अली थपियो ।

झ्याललाइ पूरा पर्दाले ढाकेर घर झिलिमिलीले छोपेका छन् । उनिहरु

आफ्नो घर कहाँ बाट हेर्छन थाहा छैन । कि बन्द कोठामा बैभवको

घमण्डले धक्कु लगाइरहेका छन् बाँच्नु ऊपर । मलाई हासो आउछ

मूर्खता उपर । उसको वा उनिहरुको मुर्खता उपर हैन आफ्नै सोच वा

भनौं मानबीय चेतना उपर ।

साथीलाई दोस्रो पटक फोन गरे । यो समयमा भेट नहुने कुरा भयो ।

एक छिनको कुराइ, छेउमा मूर्तिमा लिन ईश्वर, मानवीयता माथि

अन्धोपन भएको आस्था । सबै कुरा दिमागमा आएर अलमल्ल परे ।

म बिच बाटोमा टवाल्ल भएछु । आस्थाहरुले भन्छ ईश्वरको वास

झिलिमिली वा भनौं उज्यालो ठाउँमा हुन्छ । मानिसहरु तेसै गरिरहेका

छन् । ईश्वर के गर्छन् मलाई थाहा छैन । थाहा नहुनु पनि

स्वाभाविक कुरा हो । यथार्थमा त ईश्वरको दैनिकीसँग नजिक हुन

पाइएको छैन ।

गुरु (देवकोटा) तपाईले अन्तिममा किन श्री कृष्ण एक भन्नु भयो ?

के तपाई जिन्दगीको प्रयोग गर्दागर्दै थाक्नु भयो ? कि मृत्यु हुने

क्रममा भएको शास्तीले मृत्युलाइ श्री कृष्ण एक भन्नु भएको ?

मृत्यु त मृत्यु नै हो यो तपाईलाई राम्ररी थाहा थियो । श्री कृष्ण

एक त मैले आजसम्म भेटेको छुइन । बाटोको छेउमा मार्बलले

बनाइएको ईश्वरको घर छ । मान्छेले त्यहाँ दुध चढाएर गयो भनुकि

पोखेर गयो भनौं । जे होस दूध धर्म बोकेर सडक तिर कुदिरहेको

थियो ।पानी होस् या दूध दक्षिण तिरै बग्छ । उत्तरमा एउटा पागल

होइन होइन श्री कृष्ण एक लडिरहेको छ । गुरु यो धर्म र नैतिकताको

बिरोधाभास मानवीयता हैन र ! छेउमा बैंक छ । छेउमै माग्ने छ ।

छेउमै रकमका भण्डार छन् । यो सामाजिक चेतनामाथिको ब्यङ्ग्य

होइन र ! कति बेअर्थपूर्ण छ हाम्रो मुर्खता र ज्ञान । बिग

मार्केटको अगाडी एउटा मान्छे भौके मर्छ यो नै त अमानवको

असमाजको मानवीय अब्स्ट्राक हो । मैले बग्दै गरेको धर्मको दूध

नागेछु । सुरक्षा गार्डले निर्जिब घर र रकमलाइ संरक्षण गरिरहेको

छ । छेउमा पागल भएर नाङ्गिएको हो की नांगिएर पागल भएको हो ।

जे होस् जाडोसँग जुहारी खेलेर होला हारेर लम्पसार छ ।होटल

दीपावली मनाउँदैछ इस्वरको निम्ति । मेरा आँखा मन मष्तिक छक्क

परेको छ । इस्वरको कृतिम रमझम देखेर ।